Divertimentu

“Ha’u Hakarak Sai Lider”

Turki Reis | Domingu, 20 September 2015 - 17:17:27 OTL | read: 479

Nia moris ho mehi ida, oinsa bele sai lideransa, no nia hatudu duni ho provas desde iha eskola primaria nia sai xefe da turma (Ketua kelas), nune’e mós to’o eskola Sekundaria.

Direitór Ezekutivu Servisu Rejistu no Verifikasaun Emprezarial (SERVE), Florênçio Sanches ne’e haktuir ba Timor Post Kuarta (16/09) kona ba nia moris.

“Nudar ema ita sempre iha prinsipiu, ha’u nia prinsipiu desde hau moris hau hakarak sai lider, tanba ne’e hau kuandu tama iha primeira klase SD ninian, ha’u sai ketua kelas durante tinan tolu nune’e mós iha SMP, SMA to’o Universidade, knar ida ne’e hau sempre lori,”haktuir fuan domin husi Macario (matebian) ho Elisa dos Santos Silva iha nia servisu fatin, Matadoru.

          Atu atinji mehi ne’e, iha buat tolu ne’ebé importante tebes hodi suporta fataluku oan ne’e maka primeiru respeita beiala sira, segundu relijiaun no terseiru partidu.            

“Buat ida ne’ebé suporta hau atu sai mehi ka lae? hau iha buat tolu, primeiru hau tenki ser respeita beiala sira, ne’e ita nia kustume, hau labele husik, segundu hau tenki hili relijiaun ida ne’e maka relijiaun katolik, terseiru se hakarak lideransa ne’e importante tenki ser tama iha partidiu politiku ida, la presija ba tur iha estrutura maibé tenki ser kontribui ita nia votus liu husi partidu, i hau tenkiser hili partidu entaun mehi ne’e ba hau foin metade,”dehan laen kaben Lizete Maria Lay.

Hanesan Direitór Ezekutivu Servisu Rejistu no Verifikasaun Emprezarial (SERVE), nia mós iha ona planu rua ne’ebé sei implementa iha tinan oin mai, primeiru halo revizaun ba lei no segundu maka sei loke sukursal SERVE nian iha Munisipiu Oecuse, Bobonaro ho Baucau.

“Iha buat ida importante la halimar, planu ida ne’e hakas a’an atu halo lalais revizaun ba lei, atu nune’e SERVE bele moris diak liu tan, hau nia planu segundu oinsa atu estabelese lalais ninia liras iha Oecuse, Baucau no Bobonaro,”dehan Sanches, ne’ebé moris iha Postu Administrativu Lospalos, Munisipiu Lautem iha loron 10 fulan Outubru tinan 1970.

Oan segundu husi maun alin nain lima ne’e mós nunka abandona ninia  familia sira, maske loron-loron nia okupadu ho servisu governu nian.

“Hau ema ida ke nunka abandona hau nia familia, depois 6 oras, fila husi ne’e sempre halibur malu, konversa ba malu, tanba iha loron Sabdo ho Domingo, hau sempre lori familia ba refresing iha tasi ibun nune’e mos ba vizita familia iha Munisipiu,”deha nia ho oin hamnasa.

Oras ne’e dau-daun, fuan domin entre Florênçio Sanches ho Lizete Maria Lay, tau ona labarik hamutuk nain lima ho naran Florio Lay Sanches, Floria Lay Sanches, Floreincha Sanches, Florençio Lizete Sanches no Floriana Sanches.

Lospalos oan ne’e hahu tama eskola SD China Dili iha tinan 1984, tama SMPN Dili iha tinan 1988, tama SMA Kristal Dili tinan 1990 no hasai lisensiatura iha Fakuldade Economic Education of Pedagogy iha Universidade Kristen Satya Wacana Indonesia iha tinan 1993 to’o tinan 2002.

Iha nivel edukasaun naun formal, Lospalos oan ne’e mós tuir ona kursus kona-ba Aviation Security Awareness, Dangerous Goods Acceptance, Aviation Security & Operations, Maintenance of Refueller & Fuel Supply System, Dangerous Goods Awareness, IELTS Course, Aviation Security Awareness Programs, Refueling on Refueling Air Craft, Refueling Air Craft & Task Breakdown, Safety & Quality Control On Refueling Air Craft, Aviation Representative Training & Air Show, Office Administration Skill, Internal & External Administration, Finance Management, Security Awareness, Commodity Future Market, Foreign Exchange Market,  Marketing, English Business, Election Observer, Tuna Long Line Fishery, University Campus Press, Leadership, no Tourism Guide.

Iha loron 9 fulan Novembru tinan 1999 to’o loron 20 fulan Maio tinan 2002, Florênçio Sanches servisu iha United Nation World Food Program (UN WFP), UN Civil Registry Oecuse hanesan Field Assistant, iha loron 26 fulan Abril to’o loron 30 fulan Abril 2008, Florênçio Sanches servisu fali iha Australia Pty. Ltd, hanesan Country Manager for PB (British Petroleum), iha loron 20 fulan Juñu tinan 2007, Florênçio Sanches sai nudar Direitór ba Kompaña Sanches Unipesoal Lda.

 Husik tiha Direitór Kompaña Sanches Unipesoal Lda, iha loron 1 fulan Maio tinan 2008 to’o loron 23 fulan Abril tinan 2009, Florênçio Sanches servisu fali iha Singapura Aviation Fuel Services, STARS (TL), Pty. Ltd hanesan Assitent General Maneger, iha loron 24 fulan Abril tinan 2009 to’o loron 1 fulan Janeiro tinan 2010, Florênçio Sanches servisu fali iha Australia Airlines hanesan Country Operation Manager, iha loron 9 fulan Jullu tinan 2012 to’o fulan Janeiro tinan 2013, Florênçio Sanches, servisu fali iha IFC the World Bank Group hanesan Public Private Partnership (PPP), Consultant, no iha fulan Febreiro tinan 2012, Florênçio Sanches, sai nudar Direitór Ezekutivu Servisu Rejistu no Verifikasaun Emprezarial (SERVE), to’o agora. (Jose Neves).

 










Komentar Via Website : 1
Pengobatan Radang Sendi Secara Alami
21 September 2015 - 13:37:37 OTL
Berita yang begitu informatif sekali, terimakasih banyak

Vig Power Capsule Harga >> http://goo.gl/mZkvjH
Obat Tradisional Asam Urat yang Ampuh >> http://goo.gl/BUkLZS
Obat Tradisional Stroke Berat paling Ampuh >> http://goo.gl/qSDR1y
Pengobatan Osteoporosis Secara Herbal >> http://goo.gl/jYIdR5
Obat Tradisional Ambeien paling Ampuh >> http://goo.gl/JS4jaS
Obat Tradisional Wasir yang Ampuh dan Aman >> http://goo.gl/zpxQ3f
Cara Ampuh Mengatasi Nyeri Lutut >> http://goo.gl/7nAjM5
Cara Cepat Mengatasi Nyeri Otot >> http://goo.gl/yl4CHg
Obat Sakit Pinggang Herbal Alami >> http://goo.gl/YYPpQK ||
http://goo.gl/JSLIKO || http://goo.gl/vLtPNm || http://goo.gl/IkJpeY
FirstPrev 1 NextLast


Name

Email

Comment



Enter the 6 code above)