Divertimentu

Frído : Ha’u Atan Ba Ema Hotu

Turki Reis | Segunda Feira, 21 September 2015 - 13:30:26 OTL | read: 540

DILI—“Maske ha’u livre hosi buat hotu, ha’u halo-án sai atan ba ema hotu”, ne’e mak motto Frído  Abel da Cruz Verdíal. Amu ne’e hosi Kongregasaun Kanossianu simu ordenasaun sacerdotal hosi Amu Bispu Adiministradór Apostoliku Dili, Don Basilio do Nascimento iha Igreja Katedral Dili, Sabadu, (19/9).

Bainhira temi sakramentu orden ko’alia kona-ba Bispu, Na’ilulik no diákonu sira ne’e mak hanaran ordem presbítero sira nian. Sira ne’e simu kbi’it saserdósiu nian atu sai Kristu Na’ilulik bo’ot no rohan laek nia futar illas ne’ebé horik iha povu nia le’et.

“Bainhira temi sakramentu orden, ita ko’alia kona-ba Bispu, Na’ilulik no diákonu sira ne’e mak hanaran ordem presbítero sira nian. Sira ne’e simu kbi’it saserdósiu nian atu sai Kristu, Na’ilulik bo’ot no rohan laek nia futar illas ne’ebé horik iha povu nia le’et. Simu sakramentu ordem katak sai Na’ilulik. Sakramentu ne’e fó kbi’it kna’ar minstériu sagradu nian, atu hala’o no selebra eukaristia hodi haklaken Maromak nia futar lia fuan”, Pe. Frido Abel da Cruz Vedíal nia ko’alia bainhira simu ordernasaun hosi Bispu iha Igreja Katedral Vilaverde, Sabadu, (19/9).

Selebrasaun ne’e, Don Basilio do Nascimento dehan, ho tulun Maromak nian no nai maksoin Jesus Kristu nia tulun fihir alin ida ne’e ordena prebitéru sira nian.       

“Ho tulun Maromak no ita nia maksoin Jesus Kristu nia tulun, ami fihir ita alin ida ne’e Orden Prebitéru sira nian, ohin liu hosi ordenasaun hothotu hatudu bebeik mistériu Maromak nian ho ita ema, ne’ebé ha’u kuandu ordena ou hala’o sakramentu ordem atu ordena Na’ilulik ida, ha’u sente bebeik konfuzaun bo’ot ida iha ha’u nia laran”, Amu dehan.

Esplika, konfuzaun tanba iha sakramentu ordem Maromak halo ema nain  rua iha kazu ne’e ordenadu ida ne’ebé mak atu haraik no ida ne’ebé mak atu simu sakramentu ordem Maromak halo sira partisipa iha Mistériu Kristu nian nu’udar Na’ilulik no profeta katak liu hosi ministériu Bispu nian no Na’ilulik nian.

“Ita ba deskobre mistériu Maromak nian iha ordenadu sira nia vida, maibé bainhira ordenadu sira deskobre tiha ministériu Kristu nian nu’udar Maromak nakfilak tanba ema hodi soi mundu atu halo mundu sai santu, ordenado sira hanesan Diáconu Na’ilulik no Bispu sira labele tur hakmatek de’it ona iha sira nia moris rasik ba de’it sira, maibé sira simu obrigasaun liu hosi sakramentu ordem atu haklaken ba ema seluk mistériu enkarnasaun, mate moris hias no sensaun Jesus Kristu nian”,  Bispu ko’alia.

Amu Bispu halo rezumu ho Português dehan Doministériu au Mistériu i Domistériu au Ministériu  katak hosi sira nia servisu iha kreda renova kreda ministériu sira deskobre sira nia servisu sira nia hun mistériu nia.

“Rejumu ho Português karik ita dehan Doministériu au Mistériu i Domistériu au Ministériu  katak hosi sira nia servisu iha kreda renova kreda ministériu sira deskobre sira nia servisu sira nia hun mistériu nia, tansa sira hala’o servisu ida ne’e iha mundu, nusa mak sira moris hanesan Na’ilulik ho estatuta propriu hafoin bainhira sira hatene tansaida mak sira hala’o servisu ida ne’e, katak bainhira deskobre mistériu iha kreda no ba kreda sira iha obrigasaun atu hala’o de’it servisu ida ne’e iha sira nia moris  tomak ministériu”, Bispu salenta.

Na’ilulik sira iha obrigasaun hodi hato’o de’it hodi haklaken dei’t Nia Jesus Kristu, bainhira sira hala’o servisu hirak ne’e, sira hala’o iha vida tomak.

“Ne’e mak ha’u dehan ha’u konfuzaun bebeik, tanba orsida ho jestus ikus lia fuan ida ne’ebé rona orsida amu lulik sira tula liman ba amu lulik foun ne’e, ita hotu haree mistériu ne’e liu iha uma kreda nia laran.Ha’u konfesa katak molok atu ba ordenasaun ida  ha’u haree bebeik ha’u nia-án hodi dehan ba ha’u nia-án hanesan Bispu, hafoin la’os de’it imi mak hili maibé Maromak hili hodi hala’o tan kna’ar apostulo sira nian atu fó kbi’it ba maun alin ne’ebé mak Kristu hili sai Na’ilulik”, Amu Basilio tenik.

Na’ilulik Frído Abel da Cruz Verdíal  moris iha Díli loron 14 fulan-Dezembru 1980. Aman naran Orlando da Cruz hosi Lospalos no Inan naran Isabel Ribeiro hosi Díli. Sira hosi bin alin nain 8 mane 2 feto neen, Frído oan ba da tolu hosi bin alin nain 8. (fer)










Komentar Via Website : 3
Pengobatan Radang Sendi Secara Alami
21 September 2015 - 13:37:23 OTL
Berita yang begitu informatif sekali, terimakasih banyak

Vig Power Capsule Harga >> http://goo.gl/mZkvjH
Obat Tradisional Asam Urat yang Ampuh >> http://goo.gl/BUkLZS
Obat Tradisional Stroke Berat paling Ampuh >> http://goo.gl/qSDR1y
Pengobatan Osteoporosis Secara Herbal >> http://goo.gl/jYIdR5
Obat Tradisional Ambeien paling Ampuh >> http://goo.gl/JS4jaS
Obat Tradisional Wasir yang Ampuh dan Aman >> http://goo.gl/zpxQ3f
Cara Ampuh Mengatasi Nyeri Lutut >> http://goo.gl/7nAjM5
Cara Cepat Mengatasi Nyeri Otot >> http://goo.gl/yl4CHg
Obat Sakit Pinggang Herbal Alami >> http://goo.gl/YYPpQK ||
http://goo.gl/JSLIKO || http://goo.gl/vLtPNm || http://goo.gl/IkJpeY
FirstPrev 1 NextLast


Name

Email

Comment



Enter the 6 code above)