Professor Futu Manu iha Oras Eskola

Wptimmaster 15:48:29 OTL Desportu

UATU-CARABAU—Professor sira iha Munisipiu Viqueque barak maka futu manu iha oras eskola.    

Direitór Eduksaun Munisipiu Viqueque, Emidio Amaral hatete professor sira barak maka abandona  estudante hodi ba fali futumanu iha orariu eskola.

“Tuir informasaun ne’ebé ha’u hetan katak profeesor iha Munisiiu Viqueque barak maka hadomi manu futu, tamba oras eskola seidauk remata professor sira abandona hela eskola, fila ba uma kous manu hodi ba futu iha manu futu fatin, tamba ne’e politika Ministeriu nia, sei hare buat sira ne’e hodi regula tuir lei ne’ebé iha,” dehan Emidio ba Prezidente Repúblika (PR), Taur Matan Ruak, bainhira partisipa dialogu komunitaria hamutuk ho komunidade sira iha suku Bahatata, postu Administrativu Uato-Carabau, munisipiu Viqueque, sabadu (10/09).

Governu liliu hosi Ministeriu Eduksaun sei serbisu maka’as hodi tau matan ba eskola sira ihaTimor laran tomak, maibé enkuantu edukador sira maka la taumatan didi’ak ba alunus sira, futuru nasaun sei monu iha loron ikus.

Iha fatin hanesan, professor eskola Bahatata Manuel da Costa hatete, sira iha eskola Bahatata menus professor no ekipamentus ekola, tamba ne’e husu prezidente, liiu Ministeriu Eduksaun atu tau matan ba sira nia eskola.

“Ami hatene eskola estudante sira presiza tau matan, tamba estudante sira maka futuru nasaun nia, maibé professor sira maka menus, tamba ne’e ami hato’o ba prezidente, hodi rekomenda ba Ministeriu Eduksaun hodi para tau matan ba ami nia eskola,” husu Manuel.

Nia hatutan, Xefi Estadu ohin hatete eduksaun iha TL ne’e sei iha probema bo’ot, tamba eskola hotu-hotu sei problema tamba menus fasilidade no professor.

Nune mós Estudante Bahatata, Carla Fatima hatete, sira nu’udar estudante Bahatata oan ne’ebé hela do’ok hosi vila, tamba ne’e sira infrenta problema oi-oin, iha sira nia eskola.

“Ami nia eskola dala ruma professor tama dala ruma la tama, tamba ami nia professor sira perokupa ho nia servisu no professor balun hela dook hosi ami nia eskola fatin, tamba ne’e ami husu ba Prezidente, liu-liu Ministeriu Eduksaun hodi tau matan,”hatete Carla.

Estudante ne’e mós aumenta tan, iha eskola ne’e laos de’it menus Professor, maibé menus mós ekipamentus eskola nia, tamba ne’e nia husu governu presiza tau prioridade. (Way)   

 

Similar Post You May Like

Recent Post

Banner

Online Hits

  • Online: 1 / 200 Hits: 2218 / 555948
  •