Roo Forsa Auto-Defesa Maritima Japaun "JS FUYUZUKI" Visita Timor-Leste

Wptimmaster 09:54:34 OTL Internasional

DILI-Roo Forsa Auto-Defesa Maritima Japaun “JS FUYUZUKI” (deslokamentu 5,000 toneladas) hala’o visita mai iha Portu Dili husi loron 26 to’o 28 fulan Setembru 2016. “JS FUYUZUKI” visita Dili, Timor-Leste depois de fila husi partisipa iha Ezercisiu KAKADU 2016, ezercisiu maritime multinasional ne’ebe mak organiza husi Australia, nebe mak hala’o husi loron 12 to’o 24 fulan Setembru iha Darwin.

“JS FUYUZUKI” nia visita mai portu Dili nee hanesan parte ida husi Koperasaun Defesa entre Japaun ho Timor-Leste, ne’ebe mak akordadu entre Ministru Defesa nasaun rua nee durante Sr. Gen Nakatani, Ministru Defesa Japaun nian visita mai Timor-Leste iha Junhu tinan nee. Ida nee hanesan visita primeiru nebe mak hala’o husi Roo Forsa Auto-Defesa Maritima Japaun mai Timor-Leste hanesan visita amizade ida.

Durante visita nee, sei iha eventu balun hanesan visita kortezia nebe mak sei halo husi Komandante Kuniaki ORITO, Komandante “JS FUYUZUKI” nian ba Ministru Defesa no Komandante Geral F-FDTL, visit aba base naval Hera, tur publiku, resepsaun iha roo laran, interkambiu desportivu entre offisiais sira husi “JS FUYUZUKI” no F-FDTL.

 

 
 

 

“JS FUYUZUKI”

 

 

Similar Post You May Like

Recent Post

Banner

Online Hits

  • Online: 17 / 285 Hits: 1044 / 1062397
  •