Geofrey Birgen Kampiaun Dili Maratona 2016

Wptimmaster 11:20:11 OTL Desportu

DILI—Eventu Dili maratona 2016 mais kompetitivu, tantu 42km no 21km lidera hosi Atleta Kenianu  no  sai kampiaun maka atleta Geofrey Birgen ho  durasaun tempu 2:20’’09.

Dili Internasional Marathon tinan ne’e partisipa hosi Nasaun Indonézia, Korea, Japaun, Austrália, Portugál, Estadus Unidus no Kénia, no iha eventu ne’e rasik iha kategoria Full run, Fun Run iha klase 7km, 21km no mós 42km.

Komesa iha oras tuku 6:30 dadersan, partisipa dereitamente husi Bainaka espesiál Prazidente Mozambique, Joaquim Cisano no patrono Dili marathon, Eis Prezidenti Jose Ramos Horta, Sekretaria Estadu Joventude no Desportu (SEJD) Leovigildo da Costa Hornai Komandante Geral PNTL, Komisariu Julio da Costa Hornay  no Xefe Estadu Mayor F-FDTL, Koronel Falur Rate Laek.

Eis Prezidente Mozambique halo supreza ba atleta sira hodi foto hamutuk ho atleta, antes halai eis Prezidente ne’e maka kaer bandeira Starte nian hodi lansa maratone ne’ebé mak hala’o horsehik iha palasio Governu Dili (9/10).

Rute hahú hosi palasiu Governu ba Fatuhada to’o Rotunda Nicolau Lobato Comoru volta ba ponte Comoro II, too iha Timor Plaza Praia Coqueiros tesik ba palasiu no ba fó volta iha Bidau Metiaut no tesik ba Palaisu, ba 21Km para kedas, enkuantu 42 km kontinua ho rute hanesan hodi fo volta dala rua.

Nu’udar ema ne’ebé funda, no inisia eventu hirak ne’e bainhira nia sei tuur hanesan Prezidente da Repúblika, Jose Ramos Horta fó parabens ba Sekretaria Estadu ba Juventude no Desportu ho federasaun atletismu.

Nia hateten, Foin lalais federasaun Siklsimu halo Tour de Timor ho susesu agora no hala’o Dili Marathon ho governu nia apoiu dada ema balun hosi liur hanesan hosi Kenia, Austrália  no timoroan lubuk ida.

“Fo parabens ba sira, Ha’u espera ba futuru bele diak liu tan bele aumenta, hau nia mehi katak ba tempu sira oin mai tour de timor no maratona bele sai eventu desportu ida ke internasional boot liu iha sudeste Áziatiku ne’e,” tenik Horta.

Entretantu SE Leovigildo Hornai nu’udar membru governu ne’ebé tutela ba area desportu  hateten objetivu prinsipál seluk hosi Dili Marathon mak oinsá promove beleza fatin turistíku sira.

“Promove Timor ba mundu, Besik kampaña ita iha konsolidasaun no ita nia pás  no ita iha rekonsilisausaun interna, Atu hateten ba mundu ne’e importante” tenik SE Leovigildo.

Nia sublinha, Atividade ne’e mobiliza voluntariu hosi Sentru juventude, universitarius, eskuterius no organijasaun relevantes nasional no mos internasionál.

“Iha mehi ida ba oin gvernu menus nia apoiu investor sira mk bele hola papel ba eventu sira hanesan Tour de Timor no mos desportu sira seluk,” dehan nia.(ato/van)

Tabela Ekipa mane 42 km

Númeru

Naran

Tempu

Nasaun

Venue

Rezultadu

1817

Geofrey Birgen

2:20’07’’79

Kenya

Kenya

I

1814

Stephen Mungathia

2:26’52’’05

Kenya

Kenya

II

1819

Bernard Kip Kemoi

2:37’240’’03

Kenya

Kenya

III

1801

Augusto Ramos

2:45:23’’60

Timor-Leste

Timor-Leste

IV

1802

Zeferino Guterres

2:53:45’’30

Timor-leste

Timor-Leste

V

1820

Jacob Kibiwot Kitur

3:05:13’’10

Kenya

Kenya

VI

1823

Simão G. Gama

3:05:13’’13

Timor leste

Timor-Leste

VII

1808

John Kipkorir Ruto

3:06”13’’23

Kenya

Kenya

VIII

1846

Nuno Delgado

3:08:13’’23

Portugal

Porto

IX

1804

Anacleto Fereira

3:10:38’’03

Timor-leste

Timor Leste

X

 

 

Similar Post You May Like

Recent Post

Banner

Online Hits

  • Online: 21 / 581 Hits: 6288 / 838868
  •