Vitima Perdua Autor Kazu Rama Ambon iha Manleuana

Wptimmaster 12:06:27 OTL Kapital

DILI—Kazu hana-malu ho rama ambon iha área Manleuana, suku Bairru-Pité, postu administrativu Dom Aleixo, munisípiu Dili, vítima perdua suspeitu, tanba sei iha relasaun família.

Vítima Arilaso Araújo simu malu ona ho suspeitu, tanba momentu nia kolega hana nia ne’e la’ós ho hakarak rasik, maibé tanba sira halimar maka derepente rama kona nia.

“Ami halimar maka rama ha’u nia kolega ne’e dada maka la kontrola kona ha’u nia kakorok, mais ha’u simu sira nafatin no ami agora tuur hamutuk para resolve, maske sira tama tiha komarka fulan neen,” dehan Arilaso ba Timor Post iha Manleuana, Domingu (09/10).

Nia hatutan, tanba ne’e maka sira hakarak rezolve tuir família de’it no iha loron Sesta (07/10) sira hotu ba asiste iha Tribunál bainhira hala’o julgamnentu ba nia kolega na’in rua ne’e no tribunál foti desixaun fó livre ba sira na’in rua ne’e.

“Ami mós hakarak sira na’in rua sai duni, tanba ami la’ós halo problema maka hana kanek malu, maibé ami halimar maka deskuidu kona ha’u kanek, ha’u nia kondisaun mós di’ak ona, ami rezolve de’it ami família, la’ós ema seluk,” dehan Arilaso.

Suspeitu na’in rua ne’ebé deskonfia hana kanek vítima tama tiha prizaun preventiva durante fulan neen no foin maka hala’o julgamentu iha loron Sesta (07/10) Tribunal fó livre ba arguidu na’in rua. (way)

Similar Post You May Like

Recent Post

Banner

Online Hits

  • Online: 5 / 57 Hits: 638 / 1786140
  •