IPG Identifika Mina iha Rai Maran

Wptimmaster 10:44:17 OTL Ekonomia

DILI—Institutu Petrólium no Geologia (IPG) kontinua halo estudu sientífika hodi identifika posu mina rai iha rai maran. Tuir dadus ne’ebé iha kuaze mina matan 80 resin mak iha rai maran.

Presidente IPG, Hellio Guterres haktuir, identifikasaun ne’e sira hahú  identifika hosi  Suai to’o Lospalos.

Hellio dehan, agora IPG identifika mapa rai leten nian hotu ona, mapa rai okos nia mak seidauk iha. Ida ne’e presiza estudu detallu liu.

“Uluk kedas desde tempu ita nia abó sira mina ne’e sai nafatin no sulin hela de’it, ida ne’e hatudu iha duni posu iha rai okos, tanba ne’e mak mina ne’e sulin sai hela de’it, maibé  atu hatene posu ne’e nia naruk no luan ne’e oinsá  mak seidauk hatene los, tanba sei halo hela estudu,” Helder ba jornalista sira iha Centru Convensaun Dili, Sesta (21/10).

Helio konsidera, ne’e hanesan naha todan ida ba sira, tanba hosi  sira nia estudu mak foin hatene saida mak iha rai okos ne’e no iha okos ne’e mengandun saida, tanba ne’e mak presiza estudu ne’ebé  mak di’ak.

Oras ne’e dadaun area sira sira ne’ebé  mak sira identifika hanesan Pualaka Manatuto, Molop ho Sibuni iha Munisípiu  Bobonaro  no fatin sira seluk ne’ebé  mak identifikadu ona no IPG tau ona block hodi fó  atensaun nune’e bele halo estudu dadaun ona hodi hatene iha iha rai okos ne’e oinsá.

“Depois mak hafoin IPG sira halo estudu sira sei kopera hamutuk ho Autoridade Nasional Petrólium  Mineral (ANPM) hanesan regulador no Timor Gap hanesan fa’an  na’in , tanba ne’e kuandu IPG halo estudu hotu fó  hatene ba ANPM hanesan regulador hodi regula posu sira ne’e depois ba area produsaun intrega ba Timor Gap para fa’an,’’ tenik Hellio. (jxy)

Similar Post You May Like

Recent Post

Banner

Online Hits

  • Online: 23 / 580 Hits: 6262 / 838842
  •