Juiz Lamenta Defeza La-Marka Prezensa iha Julgamentu

Wptimmaster 21:09:06 OTL Nasional

DILI—Tribunál liuhosi Juiz Koletivu, JuizaJacinta Correia, Ana Paula Fonseca, Eusébio   Xavier, lamenta tebes, tanba defeza Fernando Carvalho la-marka prezensa iha audénsia hodi fó asisténsia legál ba arguidu Silveiro de Deus.

“Defensór Públiku sira estadu selu hodi fó asisténsia ba arguidu sira, agora defeza la- marka prezensa, laiha notifikasaun ruma hodi fó koñesementu ba tribunál ne’e la-di’ak,” Lamenta Juiza Ana Paula Fonseca iha  TDD, Tersa (13/12) bainhira atu hahú julgamentu ba kazu ofensas integrada fízika grave.

Iha kazu ne’e, Ministériu  Públiku notifika Silveiro de Deus nu’udar arguidu no Elio Silva nu’udar lezadu. No tuir ajenda prosesu julgamentu  hahú (13/12) tuku 10:00 otl, iha Tribunál.

Maibé haree ba defeza la-marka prezensa, sein fó koñesementu, nune’e tribunál desidi hodi adia kazu ne’e ba kontinua julgamentu iha loron 16 Janeiru tinan 2017, tuku 4:00 lorokraik.

Tuir lei, iha prosesu julgamentu atu la’o ho di’ak, tenke  hetan marka prezensa hosi arguidu, lezadu, defeza no Ministériu Públiku no tribunál, entre sira ida la marka prezensa, julgamentu kontinua adia beibeik.

Bainhira kazu ne’e adia beibeik, sei aumenta númeru prosesu, no sei lori servisu boot, dúvidas ho prosesu produsaun provas no faktus sira hotu, haree ba kestaun sira ne’e Tribunál aselera kazu refere.

Ba arguidu sira katak, tribunál agora notifika kazu ona, tribunál hein rguidu ho lezadu  tenke marka prezensa iha loron 16 Janeiru tinan 2017, tuku 4 lorokraik no laiha ona notifikasaun foun.

Audénsia julgamentu ne’e prezide hosi Juiz Koletivu, Juiza Jacinta Correia, Ana Paula Fonseca, Eusébio  Xavier, Ministériu Públiku reprejenta Prokuradór Reinato Bere Nahak, arguidu hetan asisténsia legál hosi Defensór Públiku, Fernanado Carvalho, maibé tanba defeza la-marka prezensa, entaun kazu ne’e kontinua adia.(max)

 

Similar Post You May Like

Recent Post

Banner

Online Hits

  • Online: 24 / 580 Hits: 6229 / 838809
  •