LH Kondena Governu Laprioritiza Kodisaun Nakroma

Wptimmaster 21:13:58 OTL Kapital

DILI—Kondisaun Ró Berlin Nakroma nian ne’ebé maka oras ne’e dadauk ladun ‘estavel’ hodi tula pasajerus sira, Diretór Ezekutivu ONG Luta Hamutuk, Mericio Akara, hatete, tuir loloós Governu tenke tau iha prioridade atu halo manutensaun, la’ós preokupa ho operasaun.

Ho prioridade Governu liliu Ministériu Obras Públika, Transporte no Komunikasaun (MOPTK), liliu halo manutensaun ba kondisaun ró nian ne’ebé aat, hodi labele fó risku ba sidadaun nia vida.

            “Ami sempre dehan katak, ita nia Estadu, Governu maka tenke garantia no fó seguransa ba  ninia sidadaun, inklui ba transporte sira mós, ezemplu hanesan ró ne’e tenke kontrola tanba Estadu tau osan barak ba iha ne’e, la’ós husik deit, preokupa deit nia operasaun ne’e ladiak, se nune’e bainhira aban bainrua akontese buat ruma maka Estadu foin hakfodak, tanba ne’e transporte tasi,”dehan Akara ba Timor Post iha edifísiu Luta Hamutuk, Farol-Dili, Tersa (13/12).

            Akara hatutan, kuandu kondisaun ró Nakroma ladun diak, parte Governu labele husik deit maibé tenke buka solusaun, tanba kondisaun sira hanesan ne’e maka bele fó risku ba pasajeirus sira.

            Haree mós ba kondisaun ró Nakroma nian ne’ebé maka tuan ona, tanba kuaze tinan 10 resin ona halo operasaun, Akara sujere ba Governu atu bele sosa tan ró foun hodi bele substitui.

            “Estadu labele halimar ho ema nia vida, tanba ema ida deit mós ne’e vale ba nasaun ne’e, tanba nasaun ne’e hamrik lori ema ida, entaun presiza fó segurasa ne’ebé maka diak, la’ós husik deit, preokupa liubá osan hodi abandona deit povu nia demokrásia,”lamenta Akara.

            Antes ne’e, Vise Ministru Inácio Freitas Moreira, deklara katak, problema fasilidade ró Nakroma hanesan toilet, AC no haris fatin ne’ebé maka laiha kondisaun ne’e, la sai problema ne’ebé maka bo’ot, maibé importate liu maka bainhira ró lahalo operasaun.

            Vise Ministru rekoñese mós problema sira hanesan ne’e sempre akontese, maibé la’ós bebeiik, no mosu dalaruma deit, no buat hirak ne’e tanba laiha konsiénsia hosi pasajeirus sira atu utiliza fasilidade ho diak.

            “Governu sempre halo manutensaun rutina ba ró, tanba ne’e maka husu kuandu fó sai informasaun ba públiku ne’e tenke loloós, i ha’u atu dehan katak ita preokupa liu bainhira ró ne’e lahalo

Similar Post You May Like

Recent Post

Banner

Online Hits

  • Online: 5 / 60 Hits: 659 / 200423
  •