Isabel Preokupa Pasiente TBC Baixa Hamutuk ho Mal Nutrisaun

Wptimmaster 18:23:45 OTL Kapital

 

DILI—Primeira Dama Timor Leste, Isabel Ferreira, Kinta (15/12), hala’o vizita ba Hospitál Nasional Guido Valadares (HNGV), preokupa tebes pasiente moras TBC baixa hamutuk ho moras pasiente mal nutrisaun.

 

Isabel hatete, moras rua ne’e tuir lolo’os labele baixa hamutuk iha sala ida tanba moras TBC ne’e fasil atu daet.

 

“Ha’u nia preokupasaun maka sira tau hamutuk labarik sira. Sira mai (ba ospitál) para atu hadi’a sira nia nutrisaun maibé sira (bele) apaña fali moras seluk,” Isabel ba Jornalista sira hafoin vizita iha HNGV.

 

Isabel husu ba dirijente sira iha HNGV atu koloka moras tuir ida-idak nia fatin atu labele fó impaktu ba pasiente seluk.

 

Iha oportunidade, Primeira Dama apela mos ba inan-aman sira atu kuidadu labarik sira hosi moras liuliu moras da’et sira.

 

“Husu ba inan-aman sira kuidadu oan sira ho didi’ak  tanba   oan ne’e grasa Maromak nian,” subliña Primeira Dama. (ljd)

 

 

 

Similar Post You May Like

Recent Post

Banner

Online Hits

  • Online: 24 / 580 Hits: 6231 / 838811
  •