MP tenta Lori Fila Emilia

Wptimmaster 02:51:12 OTL Nasional

DILI—Relasiona ho desijaun  julgamentu Final, ne’ebé maka tribunál  aplika ona pena kadeia efetiva tinan 7 ba arguda Emília  Pires, tribunál  mos ezize ba Ministériu Púbulik atu lori fila Emília mai Timor Leste kompri justisa ne’ebé arguida komete.

“Haré ba desijaun remata, maibé arguida Emília  la partisipa nafatin, ida ne’e siknifika arguida la kopera ho justisa tanba ne’e tribunál  intrega tomak ba ministeiru publiku maka iha kompeténsia  tomak atu lori fila Emília  mai Timor Leste atu kompri Jusitisa tomak ne’ebé maka Emília  rasik vioala tiha ona,” afirma Prezidente Juis Kolektivu José  Maria de Araújo, iha audénsia julgamentu ba desijaun final kaju partisipasaun ekonomia negósiu, Tersa (20/19).

Tribunál  hatutan, antes ne’e tribunál  halo alterasaun medidas de koasaun, no aplika pena prijaun preventiva ba arguida Emília  no aplika TIR ba arguida Madalena Hanjam.

“Tribunál  nafatin fó  hanoin ba ministériu  públiku  atu nafatin buka meus para lori fila Emília  fila mai timor,” Juis José hatete iha tribunál.

Entretantu hatan ba ida ne’e, Ministériu  Públiku  liuhosi Prokudora Angelina Saldanha afirma, Ministériu  Públiku  prontu koopera ho polísia  atu buka meius lori fila arguida Emília  mai Timor Leste.

Maske nune’e, Angelina subliña, atu lori fila kondenada fila mai Timor Leste presiza tebes koperasaun ida ho polísia  para bele obriga Emília  mai Timor Leste, iha mos rekursu hosi defeza maibé ida ne’e despaisu ida ne’ebé efeitu siknifika arguida tenke kompri oriente justisa ne’ebé maka hasai.

Ministru Justisa no comment

Entretantu relasiona ho preokupasaun MP nian kona-ba presiza halo kooperasaun entre governu Timor Leste ho Portugál hodi lori fila Emília Pires, Ministru Justisa, Ivo Valente lakohi fó komentáriu.

“Ha’u ba lalais ona,” hatan Ivo ba jornalista sira hodi hakat dadaun ba sa’e nia kareta iha Palásiu Governu, Tersa, (20/12).

Entretantu Ministru Negósiu  Estranjeiro no Kooperasaun (MNEK) Hernâni Coilho hatete, kazu Emília Pires governu labele halo buat ida atu lori fila, tanba akordu estradisaun seidauk iha.

“Ha’u lahatene atu iha ka laiha, ita nia kooperasaun iha area justisa ninian ba estradisaun, kuandu akordu ne’e la iha ita labele halo buat ida, agora ha’u lahatene, Emília ba Portugal hanesan sidadaun Timor ka nia ba hanesan sidadaun Portugal, se nia ba hanesan sidadaun Portuguesa, automatikamente, komplikadu tebes,” hatete Hernâni ba jornalista iha Palacio Governu, Tersa, (20/12).

Nia parte seidauk simu instrusaun hosi justisa kona-ba  saida mak atu halo, ne’e duni agora seidauk bele halo komentáriu.

“Kuandu instrusaun ne’e justisa hatoo mai ami bele haré mekanismu legal saida mak iha ámbitu kooperasaun entre Timor ho Portugal uza hodi hatan ba Ministériu  relevante sira husu,” hatete Hernâni.

Ne’ebé agora dau-daun bele ko’alia  kona-ba  kazu Emília, maibé sei ko’alia  ho konseitu jeral, tanba seidauk simu instrusaun ho area justisa.

Ne’ebé kuandu ita la iha akordu estradisaun, ne’e difisil ita atu tanangih kazu sira hanesan ne’e”hatete Hernâni. (jxy/gus)

 

Similar Post You May Like

Recent Post

Banner

Online Hits

  • Online: 4 / 200 Hits: 2204 / 555934
  •