Atu Hetan Vitoria Iha Elpar FRETILIN Presiza Konsolida Aan

Wptimmaster 07:29:08 OTL Politika

VENILALE – Prezidente eventual FRETILIN postu administrative Venilale, Ana Ribeiro husu ba kuadru no militante sira iha Venilale, Baucau katak atu manan iha eleiaun parlamentar tenke konsolida aan dala ida tan hodi bele hetan rezultadu hanesan ho eleisaun prezidensial nian.

“Luta ne’ebé primeira fase ita liu tiha ona hanesan imi hotu hatene katak rezultado eleisaun presidensial anivel postu administrativo Venilale nian konsege atinji metas ne’ebé hatun husi komisaun nasional partido ne’ebé ita Presiza atinji 5 mill ital maibe ita ultrapasa 6 mill ital, ne’e labele halo ita kontenti katak Venilale susesu tiha ona,” hatete Ana Ribeiro bainhira partisipa konsolida ne’ebé realiza husi juventude Fretilin Venilale Sabado (27/5).

Ho rezultado iha eleisaun presidensial ne’ebé hatudu signifikante teb-tebes, presidenti eventual ne’e hato’o agradese wain ba estrutura partido Fretilin iha postu laran tanba servisu hamutuk diak husi organizasaun nivel hotu partido nian mak hetan 6.421 votus iha Venilale. Tanba ne’e nia parte husu ba organijasaun hotu partido nian iha postu Venilale atu solidu dala ida tan hodi hasoru eleisaun parlamentar ne’ebé mak sei monu iha fulan Julho atu nune’e Fretilin hetan vitoria dala ida tan hodi kaer governo nune’e bele resolve problema povo nian.

“Entaun mai ita hamutuk dala ida tan fo liman ba malu solidu husi nivel nasional munisípiu, postu, suku to’o iha aldeia hafoin it abele to’o objetivo ne’ebé ita hakarak kaer fali governo,” nia fo hanoin.

No husu mos partes hotu atu servisu makas hodi tama uma sai uma konvense fila fali maluk militante Fretilin sira ne’ebé mak iha eleisaun presidensial la konsege hakat bba fatin votasaun hodi ejerse sira nia direito.

Iha fatin hanesan vise kordenador juventude FRETILIN postu administrativo Venilale Liurai Gentiu hatete juventude partido Fretilin realiza konsolidasaun nudar perparasaun ida hodi hasoru eleisaun parlamentar ne’ebé la kleur tan sei halao iha fulan Julho oin mai.

“Ohin mos ami nain lima ofisialmente subtitui hikas fali maluk juventude sira ne’ebé ba servisu iha rai liur hodi kompleta estrutura juventude partidu nian iha Venilale molok tama ba iha kampana,” nia hatete.

Entertanto sekretario jeral juventude FRETILIN nasional Abrao Nosiku apresia tebes ho inisiativa juventude Fretilin Venilale nian tanba sira hare iha estrutura nia prakasu sira hahu halo konsolidasaun para nune’e reativa fila fali estrutura ne’ebé maka la dun efetivu ona.

Eleisaun parlamento ida agora mai ne’e hanesan Batalha da Mae (Funu Inan) nian tan ne’e juventude Fretilin tenki asume responsablidade ida ne’e hodi tama sai uma-uma atu koalia ho povo sira nia fuan vota ba Fretilin hodi loke dalan ba dezenvolvemento no loke dalan ba libertasaun total.

Juventude nain 5 ne’ebé ne’ebé subtitui aprezenta an ba kuadros politico nasional, munisípiu no postu administrativo mak Liurai Gentiu, Qilianus, Gaudencia, Esperanca no Lucia. (gut)

Similar Post You May Like

Recent Post

Banner

Online Hits

  • Online: 1 / 76 Hits: 1103 / 561550
  •