Pratika Mutrabu, Jogador Zebra Tebe Karketu Nia Jogador Ulun Nakles

Wptimmaster 21:26:04 OTL Kapital

DILI-Jornada 13, jogu Liga futebol Amadora entre Zebra hasoru Karketu, 02 Setembru 2017,  iha stadium Municipal Dili, sai nudar jogu at liu iha istória futebol Timor ninian. Basá pratika muturabu iha kampu laran hodi tebe kanek todan ba jogador hosi Karketu Dili FC, fo perigu ba ema nia vida.

Insidente grave ne’e akontese iha purvolta minutu 87 hafoin de Karketu hatama golu resposta hodi impata jogu iha minute 84. Jogador Profesional hosi Karketu ho nasionalidade Xileno (Chile) sofre kanek iha ulun nakles (bele grave), hafoin hetan sama ho makaas hosi Jogador Zebra FC inisial AM, ho kondisaun latan iha rai jogador nain hat seluk mai sama lesuk jogador Xilenu ne’e.

Situasaun sai grave, hafoin maioria jogador hosi Zebra sentraliza atensaun ba konfrontu fíziku, ho nune’e haree ran sai hosi Ulun ho makaas, Karketu evakua kedas jogador Xileno ne’e ba Hospital nasional Guido Valadres.

Liu tiha oras balun, mosu fotografia balun iha pajina social hosi Ofisial balun Karketu Dili FC nian, hatudu jogador refere iha kondisaun ida grave ho ulun nakles makaas.

Relasiona ho situasuan ne’e, Parte LFA halao kedas konferensia ba imprensa hafoin liu tiha minute balun iha reuniaun fechada.

“Ami sei hein relatorio hosi komisariu jogu, depois sei hato’o ba Komisaun etika disiplina haree hodi tetu deijaun deposi sei fo desizaun ba jogador refere”,deklara Aldo Amaral director Planeamentu no Finansas LFA.     

Similar Post You May Like

Recent Post

Banner

Online Hits

  • Online: 5 / 406 Hits: 3595 / 977080
  •