Parabens, BOP ho Eskuadra Munisipiu Dili Atua Jogador Ho Adeptu Muturabu

Wptimmaster 10:01:37 OTL Kapital

DILI-Públiku kapital tenke apresia ho prejensa autoridade seguransa hanesan Bataliaun Ordem Públiku (BOP) ho eskuadra Munisipiu Dili ne’ebé atua konfrontu fíziku iha kampu futebol nia laran bainhira jogu lao namanas hela.

Situasaun ne’e akontese iha jogu Liga Futebol Amadora, époka 2017, entre Karketu Dili FC ho Zebra FC, iha estadium Munisipal Dili, Sábadu loraik, 02 de Setembru.

Insidente ne’e inisia hosi jogadór Zebra ne’ebé ho burtalmente tebe kanek jogador adversáriu ida. Hafoin vítima Antonio Vega monu ba rai, tuir kedas jogador lubuk hosi Zebra ho suteras mai sama lesuk jogador ne’e.

Observasaun direita Timor Post iha terenu relata katak liu det segundus balun hosi insidente ne’e, adeptus Zebra inklui ofisial balun halai tama kampu laran hodi kauza situasaun sai grave liu tan.

Maibé sorte boot tebes, autoridade seguransa iha kampu ninin direitamente intervem situasaun hafoin ekipa Arbitrajen ho diresaun LFA la konsege kontrola konfrontu fizika ne’ebé hakanek jogador ida iha insidente ne’e.

Hafoin hakalma kampu laran, autoridade seguransa duni sai adeptus inklui baku dolar ema balun ne’ebé tenta funu ibun hasoru autoridade seguransa nia ema sira. Hafoin Bench ofisial Zebra ho jogador sira abandona kampu no stadium.

    

Similar Post You May Like

Recent Post

Banner

Online Hits

  • Online: 6 / 405 Hits: 3578 / 977063
  •