,

Bemvindo iha Official Website Diariu Timor Post Dili nian. Ema tomak bele akompanha notisias no informasaun hotu kona ba Nasaun Timor Leste-----
Aitahan Matak Labele Maran Fali
Senin, 26 November 2012 - 11:27:09 OTL | Posting Husi : Administrator | Kategoria: Nasional - Le Dala: 600

DILI-Komandante FALINTIL-Forsa Defeza Timor-Leste (F-FDTL), Maior Jeneral Lere Anan Timor husu ba koordenador jeral CPD-RDTL Antonio Aitahan Matak atu kontrolu didiak nia elementu sira neebe halo assaun labele estraga povu Fatubeliu nia sasan.

Maske grupu CPD-RDTL halo dialogu ho komunidade lokal sira la fo ulun, maibe Lere hateten, assun CPD-RDTL ne’e nia parte ladun preokupa tanba rekoñese CPD-RDTL mós hanesan organizasaun rezisténsia ida.

“Ha’u konfia sira hanesan ha’u halimar karik hatete ba Aitahan Matak dehan ita boot ai-tahan matak ne’e labele sai maran fali, tenki hatudu natak nafatin,” informa Lere ba jornalista sira iha Centru Konvensaun Díli, sesta (23/11). 

Lere dehan, grupu CPD-RDTL kuaze na’in atus lima resi tama iha komunidade nia le’et, preokupasaun politiku, komunidade sira sempre iha kuandu hetan ema barak (masa).

“Ha’u dehan sira (CPD-RDTL) nia sala maka sira ba iha fatin ne’ebá ne’e nusa maka antes ne’e lakohi koordena uluk lai ho ema rai na’in, lia na’in , autoridade lokais. Sé ita tama derepenti ema na’in rihun lima, konserteza populasaun sira sempre hakfodak,” tenik Maizen Lere.

Nia hatete tan, CPD-RDTL bele ba iha ne’ebá, maibé tenki hatudu komporta disiplinadu labele bo’ok ema nia sasan, animal, ai-horis.

“Tempu uluk ami gerilia ne’e maka atu bele moris tenki nauk maibé agora funu remata, agora ne’e la’os gerila ona (labele nauk),” nia esplika.

Tanba ne’e, Maior Jenerál Lere hatun ona ekipa F-FDTL ba iha Fatubeliu atu bele assegura populasaun sira iha fatin refere la bele trauma.

“Ha’u haruka ona forsa ekipa ida ba iha fatin ne’ebá bele fó seguransa ba populasaun sira atu labele trauma ho assaun ne’ebé CPD-RDTL halo,” deha tan.

Lere hatun ekipa ne’e relasiona despaisu husi Presidenti Taur Matan Ruak husu Forsa F-FDTL ba halo intermediariu entre CPD-RDTL ho komunidade iha Same para bele hakalma situasaun.

Entretantu, Kordenadór CPD-RDTL Mario dos Reis hatutan, prezensa massa CPD-RDTL iha parte súl (Fatuberlihu/Manufahi) husi veteranus no OPTT sira atu halo koperativa produsaun hodi hasa’e dezenvolvementu ekonomia.

“CPD-RDTL/FRETILIN Movimentu la’os ilegál. Ne’e legál tanba parte husi libertasaun nian, tanba ne’e ukun-an ona laiha limitasaun. Ne’eduni, CPD-RDTL hamriik iha libertasaun nia leten no filozofia ne’e maka lori CPD-RDTL atu liberta fali ekonomia,” Mario dehan.

 

OSF La’o Tuir CPD

Iha fatin ketak Lere hateten, CPD-RDTL fó ijemplu di’ak hodi organiza malu iha Distritu 13 nia laran ho di’ak. Ne’eduni husu ba Organizasaun Sagrada Família (OSF) atu halo tuir no organiza-an.

“CPD/RDTL iha osan. Sira iha fundus ne’ebé boot no fundus sira ne’e mai husi kontribuisaun membrus sira nian. Tanba ne’e fasíl ba sira atu organiza malu,” Lere  akresenta hanoin hirak be’e ba membrus OSF tomak iha suku Vilaverde iha seremónia intrega sertifikadu, Sabado(24/11)

Tuir Lere Membrus CPD/RDTL hamutuk rihun lima maka okupa ona rai transmigrasaun nian iha Natarbora, no oras ne’e halo to’o no servisu makas iha ne’ebá

“Hanesan jenerál, ha’u husu ona ba António Aitahan Matak nu’udar koordenadór jerál CPD/RDTL  atu matein nafatin lei no ordem. Hela ho hakmatek iha Natarbora hodi hala’o imi nia servisiu,” dehan Lere.

Maibé, akersenta, hanesan estadu no governu sei la hakruk ba kualker organizasaun ida. Tanba sira (estadu no governu) maka iha meios ne’ebé kompletu para atu defende nasaun ida ne’e.

Entertanto Lere mós informa katak, prejensa CPD/RDTL nian iha Natarbora konsege rejulta ona labarik ida mate iha akampamentu CPD/RDTL nian.

“Ida ne’e tristeza boot ida, lolos la merese akontese hanesan ne’e. Hanesan reponsavel maximo iha CPD/RDTL tenki toma asunto ida ne’e,” Lere konfesa.

 

OSF Hari Departementu

Koordenadór Jerál OSF, Cornélio Gama “L-7” no Maijor Jenerál Lere husu ba estruktura OSF iha Distritu 13 atu iha 2013 ne’e tenki iha polítika ida para bele hari departementu OSF nian para nune’e bele fó mós apoio ba jerasaun foun sira iha nivel edukasaun.

“OSF la bele hein de’it governu atu fó apoio, sé enkuantu imi la organiza-an ho didi’ak,” dehan L-7 iha ninia diskursu ba seremónia fahe sertifikado ba membrus OSF husi kaixa Kombat suku Vilaverde, Sabado(24/11)

Tuir L-7, governu la’os atu hare de’it maka OSF maibé atu tau matan ba povu iha teritorio laran tomak. Ne’eduni, kuandu la organiza-an guvernu sei la tau matan.

Alen de ne’e mós Maijor Jenerál Lere hatutan katak, OSF tenki hanoin ona hadia estruktura iha nivel nasionál ba to’o distritais. Nune’e bele  forma depertementu Sagrada Família nian ida hodi bele tau matan ba oan sira ne’ebé atu kontinua eskola ba oin.

“Dalan di’ak liu maka OSF tenki iha uluk fundus ne’ebé mai husi membrus sira kada fulan. Depois maka ita bele husu apoio ba governu,” Lere konfesa.

Tan ne’e OSF tenki organiza-an ona iha 2013. Nune’e bele fó servisu ba ninia membrus sira iha nasionál ba to’o distrital.(gim/tom)



Artikel Seluk


0 Komentario


Komentario :
Naran
Komentario
 
 (Input 6 kode iha leten)

 

Editorial
Xanana Hamaus CPD-RDTL
Publish On 26 November 2012
Aimoruk Kura HIV/SIDA
Publish On 26 November 2012
Hamoos Sidade Dili Panas Panas Tai Ayam
Publish On 26 November 2012
Forsa Foun TLPC
Publish On 26 November 2012
  Terpopuler  
  Terkini  
  Komentar  

Ola Timor
Iklan Kiik
  • LOJA NOVA PRIMAVEIRA
  • Vistidu foun folin baratu ho kualidade diak, mai lalais iha loja fitun diak
  • Timor Telekom ita hotu nia ligasaun liga ba maluk sira no liga ba mundu tomak
  • Menurut United Stated Trade Representatives, 25% obat yang beredar di Indonesia adalah palsu.
  • Menurut peneliti di Detroit, orang yang selalu tersenyum lebar cenderung hidup lebih lama.
Facebook
  • Eva Mendes Hateten :Bom dia, Necessito ser contactada por alguem do departamento de publicidade,porque temos que apresentar ao nosso cliente CPLP valores para 1/4 de Pagina Impar Cor no vosso jornal. É um anuncio de emprego e tem que ser publicado ou esta semana ou na proxima. Enviem por favor para alem das negociações, a tabela de preços, data para entrega de material e indicação do melhor dia para publicação do anuncio. Aguardo o vosso contacto com muita urgência Obrigada Eva Mendes
  • efrem Hateten :atu manda artikel hodi publika ne'e manda ba email nebe?obrigado
  • togel harian Hateten :Apakah anda sering bermain judi togel.? Pernakah anda memenankan permainan tersebut.? Jika belum, ada solusi yg tepat dan akurat, hubungi guru togel kita mbah suro di nmr 082354640471
  • togel harian Hateten :Apakah anda sering bermain judi togel.? Pernakah anda memenankan permainan tersebut.? Jika belum, ada solusi yg tepat dan akurat, hubungi guru togel kita mbah suro di nmr 082354640471
  • BERNARDO DOS REIS Hateten : Sr. Direktor. Ita boot bele informa mai hau tan sa maka la publika notisia foun/actual (loro-loron nia) iha site Timorpost atu informa maluk sira nebe hakarak tuir informasaun nebe ita boot sira fó ba mundo. Hau hetan deit maka informasaun tuan hanesan fulan ida no fula nrua nia deit iha site Timorpost. Ita hare iha site sira seluk maka sira tau notisia loro-loron nia, maibe Timorpost no STL tau fali notisia fulan kotuk sira nia.
  • REGULO JOSE SANTOS Hateten :verse prose Dynamics of dialogue RÈGULO JOSÈ SANTOS C.I 11321247 http://prosaenverso.wordpress.com/ Venezuela Friends that make up the familiar tabloid prestigious Venezuelan society and outside the border axis; was open to ideas from this window open to ideas, expand synergistic sent them an affectionate greeting, caring for the welfare of the community. Recognition The merit of those who promote it, toil and perform community work without social exclusion or racism but sidestepping political difficulties continue without giving perspectives drawn to the obstacles encountered that become impediments to achieving the objectives is not recognized. Spread a focused theme in gratitude they deserve those people borrow to providing a service to humanity. Who admonish without congratulate the prosecution? Culture binds us about the idiosyncrasies popular! Aboriginal blood For Aboriginal blood flows in our veins being able to fight for purchasing prints dreams in us, win victory everyday without arising due to resignation. Build conflicting banishing love humiliation! Those who think, speak and act rationally, I reiterate that to support a consistent dialogue with the antagonist is actually clears and enhances the protagonist. The arrogance tends to curtail the roads! Human Civilization We are civilized people valued insight! Opt for the alternative pathway to selective shortcuts clogged explore, also referred to as citizens stay dynamic and proactive order.
  • efesus freitas Hateten :b'dia ba maluk Editor i mos maluk web design sira iha jornal TP nian. i maluk sira hakarak hatete deit katak oin sa konaba web ne'e nia mudanca tamba durante ami asessu ne'e la iha mundanca i susar tebes atu hetan informasaun foun ne'ebe update hosi maluk reportasen sira ne'ebe iha ditrito nomos nacional, mak ne'e deit sugestaun or opiniaun hosi hau mak asessu ba web 1 ne'e new's never die?
Website ida ne'e tuir ita nia hanoin?

Diak Los
Diak
Ladun Diak
Ladiak

Hare Resultado Vote
Online Ohin Loron: 1 / 1
Total Visitor : 162429
Hits Ohin Loron : 1655 / 839797

Follow us on Twitter
Friend un on Facebook