Desportu

FFTL Investe Timoroan ba Kursu Treinador Futebol Nivel C

Turki Reis | Tersa Feira, 16 Mei 2017 - 09:11:06 OTL | read: 1127

Sesaun Treinamentu Treinador Futebol ba loron dahuluk, iha Xanana Sport Center, Segunda 15/05.

DILI-Timoroan sira ne’ebé oras ne’e kaer hela klubu barak iha Liga Futebol Amadora (LFA) hetan tan oportunidade hosi  Federasaun Futebol Timor Leste (FFTL) hodi kapasita aan ba kursu treinador futebol ho nivel sertifikadu C.

“Ami FFTL, servisu ho ema hotu, fokus ba rekursu. Ita iha limitasaun rekursu, tanba ne’e treinador sira ita tenke promove tan”,deklara Prezidente interinu FFTL, osoriu Florindo, ba jornalista sira hafoin nia ho Sekretariu Jeral Interinu FFTL, Nelyo Isaac Sarmento loke sesaun abertura formasaun iha Xanana Sport Center, Bairru dos Grilhos Dili, Segunda (15/05).

Osorio hateten, iha futebol inklui pakote boot, iha Jogador, Treinador no kampu. Durante tinan barak, iha treinador Timoroan sira lori ekipa sai dala barak maibé sira nia lisensa sertifikadu kontinua ho D nafatin.

“Treinador sira ne’ebé mai tuir formasaun ne’e tenke aproveita ho diak”, afirma Osorio hodi husu ba formandus sira hafoin remata formasaun sertifikadu nivel C ne’e tenke hato’o fali treinmentu ho kualidade ba jogador sira, atu jogador sira bele prátika iha turnamentu ruma iha kampu.

Entretantu Rogerio Mok, Treinador Zebra FC apresia ba oprtunidade ne’e. “Hau apresia tebes ba komisaun organizadora sira, oportunidade diak ba ami atu aprende tan, ho material no skill fon ne’ebé ami simu ami bele aplika ba jogador sira”, tenik Mok.

Entretantu, Eduardo Pereira, Treinador hosi AS Ponta Leste, hato’o katak treinador timoroan sira iha deseiju ba treinamentu ne’e no ikus mai sai realidade.

Nia hateten, Treinador hotu hotu hosi klubu sira, hakarak tebes hasae sira nia kapasidade, durante ne’e timoroan sira uja det sira kapasidade, maske limitadu maibé ho korajen kontinua hatudu iha kampu.

“Ohin realize kursu ne’e, ami agradese tebes ba FFTL, lori instructor hosi AFC mai to’o iha ne’e”afirma Edu.

Enkuantu, Antonio Timotio hosi Karketu Dili mos hato’o agradesimentu boot ba oprtunidade ne’e, basá nia rasik hetan ona oprtunidade iha sesaun dahuluk maibé pasa det ema nain 14, no kontinua iha segunda faze ne’e oprtunidade murak hodi inklui tan ema nain 18.

“Ida ne’e oprtunidade ba timoroan sira ne’ebé kaer hela klubu, se laiha ne’e ita la kaer ekipa”,tenik Timotio hodi haktuir, bai bain kaer team ba rai liur tanba nia hetan ona C maibe momentu ne’eba la focus, ne’e duni nia sei uja oprtunidade ba sesaun ne’e tenke kompleta loron 14.(ato)

 










Komentar Via Website : 0


Name

Email

Comment



Enter the 6 code above)