Kapital

Juiz Laiha Investiga Kazu HYUNDAI

Turki Reis | Tersa Feira, 15 Desember 2015 - 10:33:23 OTL | read: 3514

DILI—Kazu HYUNDAI ne’ebé Tribunál Kámara Kontas (TKK) rekuza fó vistu ba kontratu ne’ebé asina ho governu atu kaer projetu tasi mane, oras ne’e sei patina hela iha Tribunal tanba juiz ne’ebé atu halo investigasaun laiha.

Rajaun TKK rekuza fó vistu ba kompania hosi Korea Sul ne’e tanba deskonfia iha kontratu ne’e mosu iregularidade balun no viola lei iha prosesu aprovizionamentu nian.

Kazu ne’e juiz nain tolu mak toma konta, maibé tanba governu kontinua rekore fali ba TKK maka tenke presiza fali juiz seluk maka atende, inkuantu iha TKK menus hela juiz.

“Ita mós rona ona katak Tribunál mós iha dezafiu ida iha ne’eba, tanba parese juiz laiha. Entaun agora iha Tribunál nia parte,” Ministru Petróleum Rekursu Naturais (MPRN), Alfredo Pires ba Jornalista sira iha Palasíu Governu, Segunda (14/12).

Antes ne’e Vise Prezidente Komisaun A Parlamentu Nasional (PN), Arão Noe, hatete, tuir prosesu normal, kuandu juis ida nia halo análija  ba kazu ida depois sé kliente ne’e senti katak prezudikadu, mas juis ne’e nafatin maka halo auditoria, ne’e la-bele, tanba nia la-bele análija  fali saida maka nia halo.

Hatan ba kestaun katak presiza aumenta tan juiz hodi halo investigasaun ba kazu ne’e, Ministru Alfredo hatete ho diplomasia katak, nia parte hala’o ona kna’ar nu’udar governu no fó tempu ba prosesu ida ne’e iha tribunal.

“Situasaun maka ida ne’e hela, lei maka sei vigora hela. Pozisaun governu nian maka se iha problema entaun governu liuhosi Konsellu Ministru, ita halo rekore no agora tenke fó tempu ba prosesu ida ne’e. ita atu dehan tan, mas lei maka hanesan ne’e hela,” Alfredo hatutan. (tay)










Komentar Via Website : 0


Name

Email

Comment



Enter the 6 code above)