Nasional

Komandante PNTL Sujere Xave Kaer Lalais Mauk Moruk

Turki Reis | Kuarta Feira, 15 Juli 2015 - 15:32:56 OTL | read: 740

DILI—Komandante Jerál  Polísia Nasionál Timor-Leste (PNTL), Komisiariu Júlio da Costa Hornay dehan, xave atu kaer lalais Mauk Moruk iha komunidade nia liman, tanba só komunidade mak hatene paradeiru Mauk Moruk nian.

“Ita triste, ita kontenti depende ita tristeza tanba ita kria tristeza no kontenti mos hanesan la’ós  ema seluk ka rai seluk mak mai kria, ita rasik mak kria,” Júlio ba jornalista iha Kuartel Jerál  PNTL Kaikoli, Segunda, (13/7).

Tanba ne’e mak nia husu ba komunidade sira iha area Laga atu kontribui informasaun kona-ba paradeiru MM nian ba Komando Operasaun tanba komunidade sira mak moris hamutuk ho Mauk iha sira nia area.

“Ami hein informasaun sé ita hakarak ka’er lalais Mauk Moruk ita hotu koopera malu tanba komunidade sira mak hatene ema ne’e moris iha ne’eba nia iha ne’ebe ita presiza apoia informasaun hosi komunidade atu ita bele hetan lalais Mauk Moruk,” Komjer ne’e dehan.

Sikun seluk, Komandante Servisu Investigasaun Kriminal Nasionál (SIK) Superintendenti Rodgeiro Lay dehan, kazu Luis Ramos parte SIK seidauk simu keixa.

“Kazu ne’e ami seidauk simu keixa ruma hosi familia vitima, tanba ne’e mak ami seidauk loke prosesu, ita kuandu loke prosesu ruma enkuantu iha ona keixa ruma,” Rodgeiro ba jornalista iha Kuartel Jerál  PNTL Kaikoli, Segunda, (13/7).

Nia hatutan, sé laiha vitima ida mak hato’o keixa mak loke de’it prosesu ba kazu ne’e hato’o ba Ministériu Públiku (MP).

“Keixa ne’e mak mai ona ita bele loke ona prosesu hodi bele investiga kazu ne’e hodi ita kompleta dokumentus haruka ba MP,” Rodgeiro tenik.

Nune’e mos, Diretór  AJAR, José Luis Oliveira husu ba Komando Empeñamentu Operasaun Conjunta (OEC) atu loke investigasaun ba superior sira iha EOC, nune hatene loloos motivu hosi  tiru mate Luis Ramos.

Tuir nia, lei nunka haruka ema ba tiru mate ema seluk. “kestaun ne’e seriu tebes,  ho ne’e sosidade sivil rekomenda atu komando EOC loke investigasaun komando superior hahú hosi komandu seksaun hodi hatene orden tiru komunidade Luis Ramos ne’e legal ou illegal, no orden hosi se, ne’e só liu-hosi investigasaun, la’ós  indivildu ne’ebé tiru mak lori todan,” José Oliveira ba TP iha nia knar fatin Farol.

Nia hatutan, membru ne’ebé tiru tenki simu responsabilidade sivil ho penal. Responsabilidade sivil hosi instituisaun no kriminál hatan iha tribunál mak bele deskobre verdade, katak simu orden hosi komando mak tiru ou oinsá, ne’e só induviodual mak ba hatan.

Oliveira dehan tan, responsabilidade instituisaun hahú hosi prosesu funebra ba matebian no responsabilidade ba faluk ho oan kiak, karik labarik sira sei ki’ik tenki responsabiliza to’o labarik sira bo’ot no asesu ba edukasaun. (way/max)










Komentar Via Website : 1
cara mengobati tumor jinak
16 Mei 2017 - 10:04:38 OTL
terimakasih banyak , artikelnya sangat menarik

https://goo.gl/qogIDO
FirstPrev 1 NextLast


Name

Email

Comment



Enter the 6 code above)