Desportu

LFA Ofisialmente Enkaixa Klubu 12 iha Tasa Ansiozu

Turki Reis | Kuarta Feira, 10 Mei 2017 - 10:25:37 OTL | read: 3082

DILI-Órgaun Liga Futebol Amadora (LFA) ofisialmente enkaixa tan klubu futebol foun 12 ne’ebé atu kompete iha tasa ansiozu ho sistema bota fora.

“Hau hato’o parabéns ba sira nia vontade no dedikasaun boot, atu bele involve iha ita nia atividade liga”, deklara Prezidente LFA, Nilton Gusmão ba Timor Post, hafoin halo sorteiu iha Tower Fatuhada, Segunda (08/05)

Nia esplika, prejensa klubu foun 12 ne’e atu halo jogu liga nian kompetitivu liu tan, liu-liu iha segunda divizaun, basá, ekipa sira ne’ebé joga iha segunda divizaun époka kotuk okupa últimu  klasifikasaun laiha klubu seluk maka substitui.

Entaun nivel kompetitividade iha segunda divizaun menus, “Jogu ne’e hanesan apuramentu ida hosi apuramentu ne’e maka sei hare’e klubu tolu sae ba segunda divizaun”,dehan Nilton. 

Hau hanoin hanin hosi funadores klubu fun sira ita presija apresia, ita akomoda, apezar de ita nia infraestrutra menus maibe itabka jere situasaun ida ne’e para akomoda klubu sira ne’e

Oras ne’e, LFA tau iha planu no seidauk iha desijaun fixu, refleta ba kondisaun infraestrutura sei menus. “Liga la Promete ita haree iha Tinan oin, ita buka akomoda klubu sira ne’ebé la liu, bele ba joga iha tersera divizaun”,nia reafirma.(ato)










Komentar Via Website : 0


Name

Email

Comment



Enter the 6 code above)