Internasional

SEPFOPE husu Timoroan Servisu Ilegál iha Korea Matan Moris

Turki Reis | Kinta Feira, 11 Februari 2016 - 10:47:10 OTL | read: 1048

DILI – Adidu Sekretáriu Estadu Polítika Formasaun Profesional (SEPFOPE) iha Korea Sul, Mauricio Borges, hatete, timoroan servisu iha Korea Sul, ne’ebé sai hosi kompañia ida ba fali seluk ne’e tenke matan moris – neon nain, tanba bainhira migrasaun kaer, halo kedas deportasaun.


Mauricio haktuir, tuir dadus tinan kotuk, total traballadór  timoroan iha Korea Sul hamutuk 1.800. Hosi  númeru, kuaze nain 200 mak komete iregularidade, nain  30 mak deporta ona hosi  imigrasuan no 50 fila voluntariumente.

 “Númeru  ne’ebé  maka iha tinan kotuk ami hetan besik ona atus rua, traballadór sira komete iha iregularidade ka ilegal,” Mauricio haktuir ba jornalista sira iha Tibar, Tersa (09/02).

 Maurício esplika, traballadór  ne’ebé  maka servisu iha area peskas iha komapañia ida mak sai tiha, no halai fali ba area fábrika iha kompañia seluk komete ona iha iregularidade.

 Tanba ne’e, Maurício hatutan, traballador sira ne’e maka tenki serbisu matan moris-neon nain, tanba bainhira hetan ona deportasaun sei latama fali iha Korea durante tinan 10.

 Adido ne’e subliña, traballadór  ne’ebé  maka komete iregularidade jatamete sira lakon ona sira nia direitu hanesan halo tratamentu saúde no bainhira sira hetan asidente ruma mos governu Korea ho TL sei la toma responsabilidade.

 Kompañia ne’ebé  maka kontratu sira signifika ne’e hosi  governu, maibé  kuandu halai sai hosi  kompañia ne’ebé  antes serbisu signifika sei laiha responsabilidade tan.

 Maurício dehan, agora oportunidade ba timoroan atu ba serbisu iha Korea, tanba ne’e husu ba foinsa’e sira atu ho inisiativa kursu lian Korea, tanba governu Korea sei persija tan traballadór  2000 resin. (jxy)










Komentar Via Website : 1
Green World
13 Februari 2016 - 08:31:29 OTL
terima kasih ya admin untuk informasinya ... sukses terus
FirstPrev 1 NextLast


Name

Email

Comment



Enter the 6 code above)