Kapital

Vitima Bomba Marotok Alta

Turki Reis | Tersa Feira, 15 Desember 2015 - 10:35:33 OTL | read: 4272

DILI— Vítima  insidente bomba marotok iha Eskola Bázika Sentral (EBS) Zumalai, Munisípiu Covalima, alta ona hafoin evakua hosi fatin akontesimentu ba hetan salvasaun iha Hospital Nasionál Guido Valdares (HNGV).

Diretór  Klínika  HNGV, João Pedro, informa, pasiente Jefri da Costa (13) nia kondisaun saúde normal no haruka fila ona ba uma, Segunda (14/12).

Tuir kronolojia akontesimentu, bainhira anúnsia  rezultadu ezame  iha oras tuku 10:00 mosu tarutu ne’ebé mak deskonfia ema so’e  marotok hodi hakanek estudante nain lima inklui vítima Jefri da Costa.

“Nia (Jefri) kondisaun ita haré  ba di’ak hela, la iha buat ida mak kona maka’as ba nia isin lolon atu ameasa ba nia vida,” haktuir Diretór  Klínika  HNGV ne’e.

Entretantu Diretór Jerál Kooperativas Ministériu Edukasaun, Antoninho Pires ba Timor Post iha nia servisu fatin, Segunda (14/12), husu ba husu ba polísia atu investiga kazu ne’e too deskobre autór.

“Ami mós haruka ekipa ida ba iha eskola refere hodi hatene lolos kronolojia ne’e, se mak halo buat ida hanesan ne’e, segundu oinsa mak bomba ne’e nakfera,” haktuir Diretór Antoninho.

Entertantu nutisia edisaun Segunda (14/12), haktuir Diretór  Eskola EBC Zumalai, Januario Amaral Gusmão, hatete, nia rasik la hatene kona-ba akontesementu ne’e, tanba momentu bomba ne’e rebenta nia hamutuk hela ho estudante sira nia inan aman estudante nian iha sala laran.

“Ha’u rona tarutu dala rua maibé  ha’u  hanoin kalen maka tarutu, tanba ha’u  iha hela sala laran. Maibé  ha’u  atu ba fali kantor maka hateke fali mai ha’u  nia estudante nain lima maka kanek ona,” Diretór Januário haktuir.

Aleinde ne’e Adjuntu Komandante Munisípiu  Covalima Superintendenti Assistente Inacio Amaral informa, iha tuku 10:00 otl, bainhira anunsiu rejultadu izame nian, mósu tarutu ne’ebé  maka diskonfia ema so’e  marotok hodi hakanek estudante nain lima no ida hetan kanek todan iha parte hirus matan okos no lori evakua kedas ba Hospital Suai Vila, no lori kedas ba Hospital Nasionál Guido Valadares Dili hodi halo operasaun.

“Ha’u nia membru ida foti asaun hasoru isidenti ida ne’e no tiru sae hotu maka foin haré  iha ema balun maka hetan kanek,” Inacio ba Jornalista iha Zumalai, Sábadu (12/12).

Nia hatutan, tuir saida maka sira haree iha lokal de Krimi hetan katak los duni iha sasan balun ne’ebé maka diskonfia hanesan marotok ne’ebé maka ema diskuinesidu so’e  hodi hakanek estudante sira ne’e.

“Ami foti ona sampel sira ne’e ba iha Forensik Nasional para bele halo izaminasaun hodi nune’e bele hetan, provas ne’ebé  maka konkreta katak los duni vítima  ne’ebé  maka hetan kanek ne’e kauza hosi buat ne’ebé  maka ita la espera esplusaun kauza hosi bomba marotok,” Inacio dehan. (gus/fer)










Komentar Via Website : 1
FirstPrev 1 NextLast


Name

Email

Comment



Enter the 6 code above)