CED Fo Kastigu Demaziadu ba Karketu Dili

Wptimmaster 20:49:56 OTL Nasional

DILI-Atual kampiaun provizóriu Liga Futebol Amadora (LFA), époka 2017, Karketu Dili FC. Tanba ninia jogadór barak naran tama iha lista hodi hetan sansaun hosi Komisaun  Étika no Disiplina orgaun LFA.

Informasaun ne’e Timor Post asesu direita horseik hosi karta ne’ebé apresenta iha sede LFA estadiun Munisipal Dili, Tersa (04/07).

Sansaun ne’e kauza hosi insidentes balun ne’ebé komete hosi jogadór sira iha jogo jornada dasia, n’ebé halao iha stadium Malibaka Yamato Maliana, Domingo (02/07). Maibé karta ne’e la esplika detallu kronolojia akostesientu ne’ebé komete hosi jogador sira.    

Karta ho númiru 24 desizaun no 24/CED/LFATL/VII/2017, sita jogadór nain tolu hosi Karketu Dili FC, hanesan Guarda rede, Felipe Oliveira sei hetan sansaun la hola parta iha jogu tuir mai ba dala hat,   Fagio Pereira ho Osvaldo Belo sei hetan sansaun la partisipa jogu dala rua.

Kastigu hanesan, hasai mós ba Sekretáriu jeral AS Ponta Leste hodi sei la akompaña jogadór dala hat ih jogu sira tuir mai. Entretantu iha karta ne’e mós la sita kazu foun ne’ebé komete hosi Jogadór AS Ponta Leste ne’ebé halao asaun ba árbitu nain rua hanesan  Joanico Gama ho Pedro Carvalho iha Estrada públiku Kapital Dili.(ato)

Similar Post You May Like

Recent Post

Banner

Online Hits

  • Online: 3 / 76 Hits: 1092 / 561539
  •